雜碎
Monday, July 31, 2006 by 怪獸雜貨實習兩個月以來，除了工作，幾乎訓覺用咗最多時間，極端啲講，我係冇生活嘅。
(1) 本來寫想篇叫《散讀》，因為自從睇完村上春樹嘅《舞舞舞吧！》之後，就未有一本書可以叫我留心睇足全程。得閒睇下邁克點寫電影，揭兩頁又會去咗睇龍應台講 揍仔經，去廁所會去睇葉志偉用我唔多鍾意嘅自怨自艾同志tone寫同志，覺得有少少悶就飛去揭《朗格漢島的午后》，貪佢易明冇骨唔會反白眼，不過揭三頁， 就會去訓。廢！
(2) 梅香網上傳送Thom Yorke的新歌，搭單執埋Muse同Swing Girls，未有時間去聽，就算有，我都會情願睇「漓骰孖妹」嘅數碼子，白白痴痴咁hea下未算囉，搞咩咁煩呀，放咗工之後真係唔多想諗嘢。之但係 咁，試過返工前，都會專登囉隻Corinne Bailey Rae出嚟聽，真係超舒服，或者Cannonball Adderley嘅Somethin' Else頂住都得，部I-pod仲有好多位，用Shuffle Mode，下一首係「愛馬仕小姐」。 好懷念兩年前係上海新天地聽Live Jazz，梅香姐，今年十月去亞士厘道聽番轉。
(3) 識咗兩個外國讀完書返嘅人，一個會聽二泉映月兼養魚種花，一個係出海睇人玩Skateboard又或者因為無聊而講粗口之後，就會聽番首馬友友。前者我成 日都會打電話搵佢，但怕阻 住佢；後者我就唔多敢打 電話搵佢，一打俾佢就講錯嘢，又怕煩到佢，同埋我覺得佢係一個幾難接觸嘅人，我怕係佢面前，我又會變做以前個個煩人。咁我都算同識音樂嘅人幾有緣，佢地兩 個都係才藝兼備，睇怕下次會識到會唱大戲/Opera嘅人喇！
(4) 新天星碼頭十月就用，即係舊碼頭和皇后碼頭仲有兩個月壽命，但我實在未有精力同時間影相。此外仲想去埋黃竹坑邨、蘇屋邨、灣仔舊街、坪洲、西九空地、東邊街、堅地海傍影相。我部FM2好耐都冇郁過，封哂塵喇！
(5) 頭髮超快長，因為唔駛再出去走新聞嘅關係，同師傅講，話可以少少唔規矩都得。我除底眼鏡，基本上係盲嘅，只係感覺佢剪得好勁，下下大力chop chop聲。戴番眼鏡，咦，真係好短喎。返到屋企，百彈齋主見到個仔搞成咁，當然耍手擰頭，話我做乜剪個椰殼頭。跟住第二日洗頭，係鏡前撥多兩撥，先知呢 個唔似椰殼頭，而係花倫頭。
(1) 本來寫想篇叫《散讀》，因為自從睇完村上春樹嘅《舞舞舞吧！》之後，就未有一本書可以叫我留心睇足全程。得閒睇下邁克點寫電影，揭兩頁又會去咗睇龍應台講 揍仔經，去廁所會去睇葉志偉用我唔多鍾意嘅自怨自艾同志tone寫同志，覺得有少少悶就飛去揭《朗格漢島的午后》，貪佢易明冇骨唔會反白眼，不過揭三頁， 就會去訓。廢！
(2) 梅香網上傳送Thom Yorke的新歌，搭單執埋Muse同Swing Girls，未有時間去聽，就算有，我都會情願睇「漓骰孖妹」嘅數碼子，白白痴痴咁hea下未算囉，搞咩咁煩呀，放咗工之後真係唔多想諗嘢。之但係 咁，試過返工前，都會專登囉隻Corinne Bailey Rae出嚟聽，真係超舒服，或者Cannonball Adderley嘅Somethin' Else頂住都得，部I-pod仲有好多位，用Shuffle Mode，下一首係「愛馬仕小姐」。 好懷念兩年前係上海新天地聽Live Jazz，梅香姐，今年十月去亞士厘道聽番轉。
(3) 識咗兩個外國讀完書返嘅人，一個會聽二泉映月兼養魚種花，一個係出海睇人玩Skateboard又或者因為無聊而講粗口之後，就會聽番首馬友友。前者我成 日都會打電話搵佢，但怕阻 住佢；後者我就唔多敢打 電話搵佢，一打俾佢就講錯嘢，又怕煩到佢，同埋我覺得佢係一個幾難接觸嘅人，我怕係佢面前，我又會變做以前個個煩人。咁我都算同識音樂嘅人幾有緣，佢地兩 個都係才藝兼備，睇怕下次會識到會唱大戲/Opera嘅人喇！
(4) 新天星碼頭十月就用，即係舊碼頭和皇后碼頭仲有兩個月壽命，但我實在未有精力同時間影相。此外仲想去埋黃竹坑邨、蘇屋邨、灣仔舊街、坪洲、西九空地、東邊街、堅地海傍影相。我部FM2好耐都冇郁過，封哂塵喇！
(5) 頭髮超快長，因為唔駛再出去走新聞嘅關係，同師傅講，話可以少少唔規矩都得。我除底眼鏡，基本上係盲嘅，只係感覺佢剪得好勁，下下大力chop chop聲。戴番眼鏡，咦，真係好短喎。返到屋企，百彈齋主見到個仔搞成咁，當然耍手擰頭，話我做乜剪個椰殼頭。跟住第二日洗頭，係鏡前撥多兩撥，先知呢 個唔似椰殼頭，而係花倫頭。
(6) 尋晚收十二點，今日開照早八點。轉組追更真係好眼訓，好在五點半就放工，夜晚食完飯就訓，但係點幾都係自己醒咗，依家就同去完歐洲旅行嘅人一樣，要身體適 應番個時差{工作時間}先，不過絕對唔係一日半日嘅事，兩星期前啱啱由財經組，轉去Sub Desk，都係唔太適應，冇咩做但係好似打完仗咁，飯都唔食，就會死去訓。
(7) 前晚大巾請我同陸大大去極之好食宵，佢推介嘅九件炸豆腐就麻麻，好在有豬頸肉炒公，呵，好懷念以前港台飯堂個炒豬公呀，不過老闆冇做之後，呢味嘢就絕跡廣 播道。講番正題，大鈞食嘢時同我地分享咗好多嘢，先知原來佢都係電影人，大學時期係咁睇戲，佢問我有冇睇[凶心人](Momento/2001)，我話有 呀，不過個film editing實在太前衛，分兩次睇都唔係太明，佢講先知到，原來呢套戲可以咁理解，等我睇哂俞老四借俾我嘅DVD而有空閒時間，再睇多次先。
(8) 每份實習報告嘅開頭，都會話自己實習三個月期間學到好多嘢，見識好多。我諗，如果撞著個難搞老細，同同事又唔多夾，自己又係咁出羞，啲嘢又惡做嘅時候，仲 會唔會覺自己學到好多嘢，實習好難忘呢？世事唔係絕對呀！如果對份工作真係非常有heart，我覺得已經令到自己唔會有咁多hard feeling，呢行飯唔同其他行業，升職慢人工少，但我仍然會覺得，我係超鍾意呢行，至少都今日為止都係。轉眼八月，呢兩個月真係好難忘又學到好多嘢。 咁，份實習報告開頭，我都會好cheap咁照寫上面我覺得好悶嘅嘢喇！
(9) 各位，你地去哂邊呀？
(10) 係地鐵站撞到Karen，佢話我地成班intern嘅gathering幾時會搞，我話不如去海洋公園呀，我真係好想去呀，上次去已經係讀預科嘅事喇！即係五年前，嗰陣竹篙灣都未填海。對唔住，我唔鍾意迪士尼，除左巴斯光年之外。
(11) 嚟到八月，又係開始感激朋友嘅時候。第一回合十大人物，名單請參閱SIDE BAR港九分店(Monsterslink)樓下。
(待續)
(7) 前晚大巾請我同陸大大去極之好食宵，佢推介嘅九件炸豆腐就麻麻，好在有豬頸肉炒公，呵，好懷念以前港台飯堂個炒豬公呀，不過老闆冇做之後，呢味嘢就絕跡廣 播道。講番正題，大鈞食嘢時同我地分享咗好多嘢，先知原來佢都係電影人，大學時期係咁睇戲，佢問我有冇睇[凶心人](Momento/2001)，我話有 呀，不過個film editing實在太前衛，分兩次睇都唔係太明，佢講先知到，原來呢套戲可以咁理解，等我睇哂俞老四借俾我嘅DVD而有空閒時間，再睇多次先。
(8) 每份實習報告嘅開頭，都會話自己實習三個月期間學到好多嘢，見識好多。我諗，如果撞著個難搞老細，同同事又唔多夾，自己又係咁出羞，啲嘢又惡做嘅時候，仲 會唔會覺自己學到好多嘢，實習好難忘呢？世事唔係絕對呀！如果對份工作真係非常有heart，我覺得已經令到自己唔會有咁多hard feeling，呢行飯唔同其他行業，升職慢人工少，但我仍然會覺得，我係超鍾意呢行，至少都今日為止都係。轉眼八月，呢兩個月真係好難忘又學到好多嘢。 咁，份實習報告開頭，我都會好cheap咁照寫上面我覺得好悶嘅嘢喇！
(9) 各位，你地去哂邊呀？
(10) 係地鐵站撞到Karen，佢話我地成班intern嘅gathering幾時會搞，我話不如去海洋公園呀，我真係好想去呀，上次去已經係讀預科嘅事喇！即係五年前，嗰陣竹篙灣都未填海。對唔住，我唔鍾意迪士尼，除左巴斯光年之外。
(11) 嚟到八月，又係開始感激朋友嘅時候。第一回合十大人物，名單請參閱SIDE BAR港九分店(Monsterslink)樓下。
(待續)
| »
